អំពី​ខ្ញុំ

កាក​អំពៅ​ជា​ឈ្មោះ​ប៉ាកា​ដែល​ខ្ញុំ​ប្រឌិត​ឡើង​សំរាប់​វត្តមាន​របស់​ខ្ញុំ​នៅ​ក្នុង​បណ្ដាញ​នេះ។ ដោយ​ហេតុ​ថា​ឈ្មោះ​ពិត​របស់​ខ្ញុំ  មាន​អ្នក​ប្រើ​ប្រាស់មុន​រួច​​ទៅ​ហើយ មិន​តិច​ជាង​ពីរ​នាក់​ទេ ទើប​ខ្ញុំ​ដាក់​ឈ្មោះ​ប៉ាកា​នេះ​ឡើង​កុំ​ឱយ​ច្រលំ​អ្នក​ជំនាន់​មុន។

  • ហេតុ​អ្វី​ខ្ញុំ​បង្កើត​កំនត់​ហេតុ​បណ្ដាញ​នេះ​ឡើង?
    មិន​ខុស​ពី​អ្នក​ទើប​ចេះ​ប្រើ​ប្រាស់​ Internet ថ្មី​ដទៃ​ទៀត​ទេ គឺ​ដោយ​សារ​ឃើញ​មាន​អ្នក​ដទៃ​ធ្វើ​អ្វី​ដែល​គួរ​ឱយ​ចាប់​អារម្មណ៍។ បន្ទាប់​មក​ ខ្ញុំ​យល់​ឃើញ​ថា​ ខ្ញុំ​អាច​សរសេរ​នូវ​អ្វី​ផ្សេង​ដែល​មាន​លក្ខណៈ​ប្លែក​ពី​​ស្មេរ​មុនៗ ទោះ​បី​ជា​ខ្ញុំ​មិន​មាន​ទំលាប់​ក្នុង​ការ​សរសេរ​អត្ថបទ​បាន​ក្បោះ​ក្បាយ​ក៏​ដោយ ជា​ពិសេស​ក្នុង​ការ​បញ្ចេញ​គំនិត​ផ្ទាល់​ខ្លួន​ឱយ​អ្នក​អាន​ងាយ​ស្ដាប់​ ងាយ​យល់ ព្រោះ​រូប​​ខ្ញុំ​ម្នាក់​នេះ​ចេះ​តែ​យល់​ថា​ខ្លួន​មាន​លក្ខណៈ​ចំលែក​ខុស​ពី​អ្នក​ដទៃ ចូល​មិន​ចុះ​ក្នុង​សង្គម​មនុស្ស។ តែ​អ្វី​ដែល​ខ្ញុំ​ទទួល​បាន​ពី​ចរិត​ស្ងប់​ស្ងៀម​របស់​ខ្ញុំ គឺ​គំនិត​ពិចារណា​បាន​វែង​ឆ្ងាយ បើ​​អ្នក​ចង់​ដឹង ចូរ​សាក​ល្បង​មិន​និយាយ​ស្ដី​ឱយ​បាន​ពេញ​មួយ​ថ្ងៃ អ្នក​នឹង​ដឹង​ថា​អ្នក​អាច​គ្រប់​គ្រង​ខ្លួន​ឯង​បាន​ប៉ុណ្ណា។
  • តើ​ខ្ញុំ​នឹង​សរសេរ​ពី​អ្វី​ខ្លះ?
    មក​ទល់​ពេល​នេះ ខ្ញុំ​មិន​ទាន់​មាន​ការ​សំរេច​ចិត្ត​ថា​នឹង​សរសេរ​ពី​អ្វី​នៅ​ឡើយ គឺ​នឹក​ឃើញ​ពី​អ្វី សរសេរ​ព្រាង​គំនិត​ហ្នឹង​ភ្លាម តែ​ពិបាក​ស្ដាប់​បន្តិច​ព្រោះ​ចរិត​ជា​មនុស្ស​ស្រលាញ់​វិស័យ​បច្ចេក​ទេស មិន​សូវ​ចេះ​អធិប្បាយ​ឱយ​បាន​ក្បោះក្បាយ​ច្រើន ឱយ​តែ​បាន​ការ​បែង​ចែក​គំនិត​ជា​ផ្នែកៗ​រួច​ហើយ គឺ​ចាត់​ទុក​ថា​ទទួល​យក​បាន​ហើយ។ បើ​​ចង់​បាន​អត្ថបទ​ដែល​ពិរោះ​អាន​ថែម​ទៀត​អ្នក​អាច​ស្វែង​រក​កំនត់​ហេតុ​របស់​អ្នក​និពន្ធ​វ័យ​ក្មេង​ប៉ុន្មាន​អ្នក​ដូច​ជា អាចម៍​ផ្កាយ និង រចនា​ជា​ដើម​ ពួក​គេ​ចេះ​ប្រើ​ពាក្យ​ពិរោះ​ពិសារ។ ទៅ​ថ្ងៃ​មុខ​​ខ្ញុំ​នឹង​ចាប់​យក​ប្រធាន​បទ​ណា​តូច​មួយ​មក​សរសេរ​ ជៀស​វាង​សរសេរ​ប៉ាតណា​ប៉ាត​ណី​ឥត​ប្រយោជន៍។ កំនត់​ហេតុ​មួយ​ទៀត​ដែល​ខ្ញុំ​បាន​បង្កើត​ឡើង​មុន​នេះ​មាន​ឈ្មោះ​ថា កាក​អំពៅ ជា​សំនួរ​រយ​ជំពូក​ដែល​ផុស​ចេញ​ពី​ខួរ​ក្បាល​ខ្ញុំ​រាល់​វិនាទី​ហើយ​មិន​ដឹង​ថា​ទៅ​សួរ​អ្នក​ណា​ មាន​តែ​កត់​ទុក​ក្នុង​​កំនត់​ហេតុ​នោះ​ហើយ ទើប​សង្ឃឹម​ថា​មាន​អ្នក​​​ចូល​រួម​បក​ស្រាយ​ចំងល់​ខ្ញុំ​ទាំង​នេះ។ ទឿ​ថ្ងៃ​មុខ​ ខ្ញុំ​សង្ឃឹម​ថា​ខ្ញុំ​អាច​សរសេរ​អត្ថបទ​បន្ថែម​ទាក់​ទង​វិស័យ​បច្ចេក​វិទ្យា និង វិទ្យាសាស្ត្រ។
  • តើ​​ខ្ញុំ​ត្រូវ​ការ​អ្នក​ចូល​រួម​ជា​សមាជិក​ដែរ​ឬ​ទេ?
    ពិត​ជា​ត្រូវ​ការ! សំរាប់​កំនត់​ហេតុ​ណា​មួយ​ដែល​មាន​ប្រធាន​បទ​​ប្រាកដ​ប្រជា យើង​ត្រូវ​ការ​សមាជិក​ច្រើន​នាក់​ដើម្បី​ដំនើរ​ការ​បាន​ល្អ ឧទាហរណ៍ ទំព័រ​កាក​អំពៅ ទំព័រ​ស្ដី​ពី​​សៀវភៅ​​អាន​លើ​បណ្ដាញ  ទំព័រ​ស្ដី​ពី​បច្ចេក​វិទ្យា ទំព័រ​ស្ដី​ពី​​យុវ​អ្នក​និពន្ធ​ខ្មែរ  ទំព័រ​អត្ថបទ​ចំរៀង​ខ្មែរ​ឬ​បរទេស ទំព័រ​រូប​ថត …។ ប្រការ​សំខាន់ យើង​ត្រូវ​ដឹង​ថា​យើង​បង្កើត​ឡើង​ក្នុង​គោល​បំនង​អ្វី ហើយ​យើង​ត្រូវ​ធ្វើ​ដូច​ម្ដេច​ខ្លះ​ដើម្បី​សំរេច​គោល​បំនង​របស់​យើង។ យើង​​ឃើញ​ថា​មាន​កំនត់​ហេតុ​ជា​ច្រើន​ត្រូវ​បាន​បង្កើត​ឡើង​ក្នុង​ពេល​ប៉ុន្មាន​ឆ្នាំ​នេះ ហើយ​រីក​ចំរើន​ជា​ខ្លាំង​ចាប់​ពី​ពេល​មាន​ការ​ប្រើ​ប្រាស់​ពុម្ព​អក្សរ​ខ្មែរ​ជា​ទូទៅ​លើ​ប្រព័ន្ធ​ Internet រួច​មក តែ​​កំនត់​ហេតុ​ភាគ​ច្រើន​មាន​លក្ខណៈ​ឯកជន​​គ្រប់​គ្រង​ដោយ​ស្មេរ​តែ​ម្នាក់  រី​ឯ​កំនត់​ហេតុ​ដែល​មាន​ជោគ​ជ័យ​ទាមទារ​នូវ​ការ​ចូល​រួម​​​ពី​សមាជិក​ច្រើន​គ្នា។ សំរាប់​ពេល​នេះ​ខ្ញុំ​ចង់​ដឹង​ថា​​យើង​ចង់​អាន​ពី​អ្វី​ខ្លះ ចង់​រៀន​ពី​អ្វី​ខ្លះ និង​ចង់​ចែក​ចាយ​អ្វី​ខ្លះ​ដល់​អ្នក​អាន​ផ្សេង​ទៀត។

អត្ថបទ​ដែល​ខ្ញុំ​សរសេរ​ទាំង​នេះ ប្រហែល​ជា​មិន​អាច​ប្រៀបធៀប​នឹង​រៀម​ច្បង​បាន​ទេ ហើយ​សុទ្ធ​តែ​ពោរពេញ​ដោយ​កំហុស​ទៀត​ផង ខ្ញុំ​សូម​ស្វាគម​រាល់​ការ​រិះគន់​ស្ថាបនា​ទាំង​ឡាយ ហើយ​និង​ព្យាយាម​កែ​ប្រែ​ឱយ​បាន​ជា​អត្ថបទ​ដែល​មាន​គុណភាព​ល្អ​​បន្ថែម​ទៀត។

Advertisements

មួយចំលើយ to “អំពី​ខ្ញុំ”

  1. ដើមត្នោត មួយ Says:

    រាល់សំណេរ ក្នុងកំណត់ហេតុ ឬ ប្លក របស់អ្នក, ធ្វើអោយដើមត្នោត ចាប់អារម្មណ៍ និងរៀនសូត្រតាម ព្រោះរាល់សំណេរ របស់អ្នក ប្រើប្រាស់ពាក្យខ្មែរសំរាយ ងាយយល់ មានខ្លឹមសារល្អ សមហេតុផល ប្រទាក់គ្នា ពីមួយឃ្លា ទៅមួយឃ្លា ធ្វើអោយអ្នកអាន យល់/ចងចាំបាន ខ្លឹមសារសំណេរ បន្ទាប់ពីអំណាន !!
    ដើមត្នោតមួយ សូមសរសើរដោយស្មោះ រាល់បច្ចេកទេសសរសេរ របស់អ្នក ព្រោះដើមត្នោតមួយ កំរជួប សំណេរមានខ្លឹមសារល្អ ប្រាកដនិយម សមហេតុផល លើ WordPress ប្រហែលសំណេរ ក្នុងកំណត់ហេតុ ឬ ប្លក របស់អ្នក!!!
    អរគុណ !


ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out /  ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out /  ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out /  ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out /  ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: